Hilabete bat baino gehiagoko atzerapenarekin, Nafarroako gobernuak prest du jadanik aurrekontuen aurreproiektua. 4.240milioi euro gastatzea aurreikusten du Maria Txibiteren gobernuak, 223milioi gehiago. Igoera honetatik gehiena dena den, lehendabiziko kapitulora, funtzionarioen soldatetara joanen da. Gastu soziala nagusi, %54 osasungintza, hezkuntza eta gizarte ongizatera bideratuko dira.
Orain negoziazio epea zabaltzen da. Atea irekita dute Gobernuan nahiz eta lehendabiziko erreferentzia EH Bilduri egin dion Elma Saizek. Egindako ekarpenak baloratzen ari direla adierazi du Ogasun kontseilariak.
Negoziaketan buru belarri sartu da EH Bildu, gaur Metropoli foralean Bakartxo Ruizek beren lehentasunak azaldu ditu. Zerbitzu sozialak eta eskubideen bermea, baita euskal hiztunen eskubideak ere, jarri ditu mahai gainean EH Bilduk.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.