Berriki amaitutako COP 25 Klimaren Goi Bilkurak “ez ditu aurreikuspenak bete eta berriz ere zapore gazi gozoarekin utzi gaitu”, adierazi du Itziar Gómez, Landa Garapeneko eta Ingurumeneko kontseilariak. Gehitu duenez, “akordioak ez dira ondu eta Glasgowen ospatuko den datorren bileran, COP 26, jarraipena emateko konfiantza dugu”.
Hain zuzen ere, sailburuak nabarmendu duenez, "isurien merkataritzari buruzko 6. akordioan eta funts berdeari egindako ekarpenetan izandako aurrerapen eskasak eta AEBak Parisko Akordiotik irteteak ezkortasunera bultzatzen dute balantza".
Alde positiboan, sailburuak adierazi du "presaren uste sendoa, handinahiaren beharra eta, aldi berean, desadostasunak eta gaitasunak kontrastatzen" direla, eta datozen bost urteetarako Genero Ekintza Plana onartu izana ere nabarmendu du.
Nafarroak Madrilgo COP25ean parte hartu du, Itziar Gomez bera buru izan duen ordezkaritza batekin.