VWek atzera egin behar izan du mutualitateen hitzarmenarekin

Euskalerria Irratia 2019ko abe. 16a, 07:45

Langile batzordea gaur goizean bilduko da aste honetarako deitua zuen greba deialdia bertan behera uzteko. Sindikatu guztien mobilizazioak ekidin du bajen kudeaketa esku pribatuen menpe izatea.

Garaipena ez da erabatekoa, Volskwageneko zuzendaritzak 2021era atzeratu baitu mutuen ezarpena. Erabaki hori "bilera beroan" hartu dute, enpresak ohar batean zehaztu duenez, Nafarroako Volkswagen markako ordezkari sindikalek, Volkswagen markako Ekoizpen eta Logistika arduradunak eta Volkswagen AG enpresako Giza Baliabideetako arduradunak.

Bilera horretan, bi aldeek konpromisoa hartu dute 2020ko urtarrilaren amaierara arte "Nafarroako Volkswagenen osasun egoera nabarmen hobetzeko neurri sorta eraginkor bat" egiteko. Markaren goi zuzendaritzak beharrezko ikusten du neurri plan hori, "Volkswagenen Europako lantegien multzoaren barruan fabrikaren lehiakortasuna hobetzeko seinale gisa".

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!