Jose Maria Aierdi Nafarroako Gobernuko Lurralde Antolamendu, Etxebizitza, Paisaia eta Proiektu Estrategikoetako kontseilariak erkidegoan "etxebizitza parke nahikoa eta eskuragarria" sortzearen aldeko apustua egin du, eta nabarmendu du legegintzaldi honetan zehar gutxienez alokairuko 800 etxebizitza berri egiteko asmoa duela gobernuak.
Aierdik Parlamentuko osoko bilkuran erantzun dio PSNk egindako galdera bati, "oro har etxebizitzarako sarbidea bermatzeko eta, zehazkiago, etxebizitza eskuratzeko arazo handienak dituzten pertsonentzat" garatu beharreko politikei buruz.
Sailburuaren esanetan, gobernuaren etxebizitza politikak bi ardatz nagusi ditu, "Batetik, hiria birgaitzearen eta berroneratzearen arloko ekimen guztiekin zerikusia duen politika; eta, bestetik, alokairuko etxebizitzen eskaintza modu sendoan areagotzea".
Gainera, nabarmendu duenez, "alokairuko etxebizitzen eskaintza handitzeko apustuak beste ekintza batzuk ere barne hartzen ditu, hala nola hutsik dauden etxebizitzak erakartzen laguntzea edo alokairuko errenten prezioari eusteko neurriak ezartzea".