Nafarroako Gobernua, zerga neurrietan "zenbait zuzenketa" onartzeko prest

Euskalerria Irratia 2019ko abe. 12a, 14:04
Txibite lehendakaria parlamentuan, artxiboko irudi batean

Nafarroako Gobernuarekin neurri fiskalen inguruan akordioa lortzeko "baldintzak egon daitezkeela" esan du EH Bilduk

Esparzak PSNri bere proposamenaren "koma bat ere mugitu nahi ez izatea" leporatu dio

Alderdi politikoek aurrekontuei eta zerga proposamenei aurkeztutako "zenbait zuzenketa baloratzeko" prest agertu da Maria Txibite Nafarroako Gobernuko lehendakaria.

Horren harira, Nafarroako Parlamentuan dauden kazetariei esan die "onar daitezkeen zuzenketak" daudela, eta "elkarrizketa irekia" dagoela zerga neurriak aurrera ateratzeko, "Nafarroako herritarren poltsikoentzat onak" direla iritzita.

Bakartxo Ruizek esan du hitz egiten eta negoziatzen jarraitzen dutela, eta gogorarazi du koalizioak proposatu dituen politika fiskaleko neurriak "akordio programatikoaren ildotik" doazela. Ildo horretan, EH Bilduren eta Navarra Sumaren zerga arloko neurriak onartzea "ez litzateke ez bateragarria ez logikoa" izango, "ez baitatoz bat akordio programatikoekin".

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!