Europako Batasunak katalogatutako karramarroen sei espezie inbaditzaileetako bat aurkitu du Guardia Zibilak Lorreko baltsan, Cascante herritik gertu.
Guardia Zibilaren Sepronako agenteek Floridatik datorren karramarro urdin espezie inbaditzaile baten ale bat aurkitu dute Nafarroako baltsa batean. Guardia zibilak Lor baltsan zeuden lanean, Cascante herritik gertu, eta, orduan, putzua betetzeko gunean, Procambarus clarkii karramarro amerikarraren ale ugari ikusi zituzten, eta horietako bat urdin kolorekoa zen.
Hori identifikatzeko gestioak egin ditu Foru Gobernuko Ingurumen Sailak, eta ondorioztatu dute Floridako ibai urdineko karramarroaren ale bat dela Procambarus alleni, eta Europar Batasunak zehazturiko karramarroen sei espezie inbaditzaileetako bat dela.