Euskal hiztunen ehuneko handiena 35 urtetik beherakoen artean dago, batez ere 16-24 urte bitartekoen artean, Nafarroako Foru Erkidegoko VI. Inkesta Soziolinguistikoaren datuen arabera. Gaur egun, euskal hiztuna da 16 eta 24 urte bitarteko nafar gazteen % 25,8 eta 25 eta 34 urte bitarteko gazteen% 18,8.
Euskaldunen proportzioak behera egiten du adinak aurrera egin ahala. Hala, euskaldunen talderik txikiena 65 urte edo gehiagoko biztanleen artean dago (% 8,3). Elebidunen ehunekoa Nafarroako batez bestekoa baino txikiagoa da 35 urte edo gehiagoko talde guztietan (%9 eta %10 artean). Azken 25 urteetako bilakaera aztertuz gero, elebidunen kopuruan gorakada gertatzen ari da gazteenen artean. Bestalde, 1991n 16-24 urteko gazteen% 10 euskalduna zen bitartean, gaur egun ehunekoa ia 16 puntu handiagoa da (% 25,8). Era berean, 25-34 urteko biztanleen artean ere igoera handia gertatu da euskaldunen ehunekoan (1991n% 7koa zen, eta 2016an% 18,8koa). Gainerako adin taldeetan ez da ehuneko aldaketa handirik gertatu, puntu bateko edo biko aldaketekin.
