Nafarroako Gobernuak etxebizitza babestuen alokairuen gehieneko prezioari eutsi dio, babes gabeko alokairuan izaten ari den goranzko joerak eraginik izan ez dezan. Lurralde Antolamenduko, Etxebizitzako, Paisaiako eta Proiektu Estrategikoetako Departamentuak onartu berri ditu 2020. urterako etxebizitza babestuen alokairurako gehieneko errentak, eta horiek %0,1 baino ez dira haziko.
Onartutako % 0,1eko igoera 2016ko oinarrizko KPI orokorraren baliokidea da, 2019ko urrikoa, INEk berriki argitaratua. Hilean 50 zentimo inguru igotzen da batez beste. Nafarroan KPI orokorraren urteko aldakuntza-tasa zertxobait altuagoa izan zen -%0,5-, nahiz eta balio nazionala hartu. Azken bi urteetako igoerak %1,6 eta %2,3 izan ziren, hurrenez hurren.