Santos Indurain Nafarroako Gobernuko Osasun kontseilariak atzo jakinarazi zuenez, osasun garraioko zerbitzuaren kontratu berriaren esleipena -premiazkoa eta programatua- datorren ekainerako egitea espero da. Bitartean, eta "berehala", abian jarriko dute "zerbitzu prestazio guztiei buruzko auditoria bat, bai pazienteari emandako tratuari dagokionez, bai baliabide material eta giza baliabideei dagokienez".
Legebiltzarreko batzordean, EH Bilduk eskatuta, Indurainek gogorarazi zuen gaur egun bi enpresak, Baztan-Bidasoak eta SSGk, ematen dutela zerbitzu hori, baina esleipen-epea gaindituta dago. Azaldu zuenez, egoera hori "azkar gainditu behar da, ez baita ona parte hartzen duten aldeentzat, ezta herritarrentzat ere". Bi enpresek 245.000 lekualdatze egiten dituzte urtean, 15 milioi euroko kostuarekin.
