Poliziak “umiliatzea” egotzi dio Sindicato Unificado de Policial PSNri. Uniformedunen sindikatuaren arabera, PSNk Poliziaren biktimen legea garatzearen aldeko mozioa sustengatu zuen. Haatik, alderdi sozialistak horren aurka bozkatu zuen Nafarroako Parlamentuan. “PSN eta PSC independentismoarekin lerratu dira, sustengatuz muturreko alderdi independentistek Bartzelonako Udalean eta Nafarroako Parlamentuan Polizia Nazionala umiliatzen duten ekimenak”, azaldu zuen atzo SUPek ohar baten bitartez.
Astelehenean, Nafarroako Mahai eta Eledunen Batzarrak Mikel Arregiri buruzko mozio bat aztertu zuen. Arregi Lakuntzako zinegotzia zen, eta Guardia Zibilak tiroz hil zuen Etxarrin 1979an. Mozioa Geroa Baik, EH bilduk eta Ahal DUguk aurkeztu zuten. Beraz, SUPek “muturreko independentistatzat” jotzen ditu. PSNk mozioaren lehen hiru puntuen alde bozkatu zuen, baina ez ordea laugarrenaren alde, hain justu poliziaren biktimen legea garatzeko eskatzen zuena.
