Elkarretaratzea 18: 30ean eginen dute Sanduzelai hiribideko apustu etxearen aurrean, Apustu etxeei ez! lelopean.
Jarraian, 19: 30ean hain justu, Sanduzelaiko civivoxean apustu etxeen inguruko mahai-ingurua eginen dute. Igor Meltxor idazle, ikerlari eta analista politikoak jokoaren negozioaren gibelean nor dagoen azalduko du. Aralar ludopatiaren biktimen elkarteko kide bat adikzioaz eta haren ondorioez mintzatuko da; eta Judimendiko Gazte Asanbladako kide batek dauden esperientziak aztertuko ditu. Martxelo Diaz kazetariak zuzenduko du solasaldia.