Baikorki begiratzen dio etorkizunari Foro Sozialak. Nafarroan sindikatu guztiekin eta Navarra Suma kenduta, alderdi politiko guztiekin hartu emanak izan dituzte. Gutxieneko adostasunak erdiesten ari dira, esate baterako gaixo dauden presoen eta hurbilpenaren inguruan. Eragilearen ustez, aurrera egiteko ordua da.
Foro Sozialaren iritziz, elkarbizitza demokratikoaren eraikuntzan aurrera egiteko, hiru korapilo askatu behar dira:egia justizia eta erreparazioa biktima guztientzat, Nafarroako 34 preso eta iheslarien auziarentzat konponbidea eta partekatutako memoria kritikoa, gertatutakoa ahaztu gabe, etorkizunari begiratzen diona.
Horregatik hain zuzen, Hitzorduak zikloa antolatu du Foro sozialak. Azaroaren 20an, Condestablen, "Elkarbizitza demokratikoa Nafarroan. legealdi honetako aukerak eta erronkak" izenburupean, mahai inguruan solastuko dira Guillermo Mugika, Vicente Madoz, Camino Osle eta Joseba Santamaria. Azaroaren 26an, "Elkarbizitza eraikitzeko entzutea. Indarkeria mota desberdinetako lekukotzak" entzunen dira Nafarroako Parlamentuan. Roberto Manrique, Hipercor-eko biktima eta Idoia Zabalza, Mikel Zabalzaren arrera izan dira mintzatzen.
