Nafarroako Gobernuak foru dekretu bat onartu du asteazken honetan, Alberto Undiano Mallenco epaile ohiari 2019ko Foru Erkidegoko Kirol Merituaren Urrezko Domina emateko.
Saria datorren azaroaren 27an banatuko da, 12: 30ean, Nafarroako Jauregiko tronuaren aretoan, 2019ko Nafarroaren Eguna ospatzeko ekitaldien barruan.
Undiano Mallenco futbol epailea izan da 30 urtez, 1989/90 denboralditik aurten arte, horietatik 19 urte lehen mailan eta 2004tik FIFA epailea. Gainera, bere ibilbidean hiru errekor ditu: lehen mailan epaile aritutako partida kopurua (348), lehen mailara igo den epailerik gazteena, 26 urterekin; eta Real Madrid-Fc Barcelona klasikoa gehien zuzendu duen epailea, hamar partida zuzendu dituela.
Era berean, Espainiako ordezkaria izan zen 2010eko Munduko Kopan, Hegoafrikan, non lehiaketako azken faseko hiru partida arbitratu zituen; finalerdiak eta finalak zuzendu zituen Europako hainbat txapelketatan eta maila baxuagoko munduko txapelketatan; Champions Leagueko, UEFA Kopako eta Interttotoko partidak ere arbitratu zituen; baita hiru Errege Kopa eta Espainiako hiru Superkopa ere.