Hurrengo gauerditik aurrera, elurra kentzeko 44 makina jarriko ditu martxan Nafarroako Gobernuak. Elurte aurreikuspenaren arabera Leitzarango eta Sakanako autobietan eta Belateko aldean dago elur gehien pilatzeko arriskua. Estatuko Meteorologia Agentziak (AEMET) alerta horia ezarri du Nafarroako erdialdean, hurrengo gauerdia eta ostiraleko 12:00ak bitartean.
Elurra kentzeko makinak Pirinioetako haranetan, Lizarraldeko eremu altuenetan, Leitzarango autobietan, Sakanan eta Iparraldeko autobian (Altsasu/Altsasu Etxegaraterantz), Irurtzun eskualdeko herrietan, N-121-A eta inguruetan, Tafallako bigarren mailako bideetan arituko dira. Gobernuaren baliabideei AP-15 autobidea, Nafarroako autobidea, eta A-21, Pirinioetako autobidea emakidadunek ezarritakoak gehitu behar zaizkie.
Errepideen egoerari buruzko informazioa www.carreras.navarra.es webgunean edo 848423500 telefonoan lor daiteke.