Ilara luzeak, Nafarroa Arenan, Berri Txarrak taldearen kontzerturako sarrerak eskuratzeko. Goizeko hamaiketan, txarteldegiak zabaldu dituztelarik, ilarak eraikinari buelat ematen zion.
Atzo jakinarazi zuen Nafarroa Arenak, twitter mezu baten bitartez: Berri Txarrak-en produkzioa aztertu dute, eta harmailak handitzeko modua aurkitu dute. Hartara, gaur, 11:00etatik 14:00etara sarrera gehiago jarri dituzte salgai Lekunberriko taldearen azaroaren 22ko eta 23ko kontzertuetarako. Kopurua ez dute zehaztu. Prezioa bai: 25 euro. Eta pertsona bakoitzak gehienez eskura dezakeen sarrera kopurua ere bai: 4.
Ilaran lehenak Gipuzkoatik etorritako lagun talde bateko kideak izan dira. Gaua txarteldegien aitzinean igaro dute. Kontatu dutenez, gaua lasai joan da. Eta ilara goizeko seietan hasi da handitzen.
