Azaroaren 10eko hauteskundeen emaitzen analisia egin du goizean goiz Ainhoa Aznarez Ahal Duguko parlamentariak, Euskalerria Irratian. Nafarroan hirugarren indarra izatetik laugarren izatera pasa da alderdi morea, 13.000 bozka galduz. Ione Belarrak diputatu moduan errepikatuko du.
“Galdu ditugun bozka gehienak abstentziora jo dute” adierazi du Euskalerria Irratian Ainhoa Aznarezek, “Baina Altsasuko gazteen kasua eta Kataluniako Proces-aren epaia ostean, baliteke ere EH Bildura pasa izanak”.
Emaitzak ezagutu eta berehala, Estatuan dagoen egoerara begira jarri da Aznarez. “Argi dago gehiengo aurrerakoia dagoela, Gobernu aurrerakoia osatzeko” adierazi du Ahal Duguko kideak, “eskuina eta eskuin muturra oposizioan geratu behar dira”. Zentzu horretan, kezkatuta azaldu da Aznarez Vox-en gorakadarekin, “galdetu beharko genioke orain Pedro Sanchezi ea hobeto lo egiten al duen Ahal Duguko ministroekin edo ta Vox-eko 52 diputatuekin”.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!