Nafarroako Gobernuak ez dio helegiterik jarriko Maravillas gaztetxeari buruzko epaiari

Euskalerria Irratia 2019ko aza. 7a, 15:52
Maravillas gaztetxea, artxiboko irudian. (Argazkia: Ahotsa.info)

Marqués de Rozalejo jauregiaren okupazioagatik auzipetutako 22 gazteak absolbitu zituen auzitegiak. Auzi horretatik "ikasiko" duela adierzi du gobernuak.

Hala adierazi du Javier Remirezek, Presidentetza eta Barne kontseilariak, Navarra Sumak Parlamentuko osoko bilkuran egindako galdera bati erantzunez. Aitortu du "epaileak ez zuela ukatu higiezinaren okupaziorik zegoenik", baina ez zuen frogarik ikusi akusatuak delitu horretarako legeak aurreikusten duen "nolabaiteko iraupen bokaziora" egokitzeko barruan zeudenik adierazteko.

Hori dela eta, Remirezek aurreratu duenez, hemendik aurrera "jarduketak berrikusiko dira, Auzitegi Gorenaren jurisprudentziara egokitzeko, beharrezko froga-elementuei dagokienez"; hala ere, berretsi du Gobernuak ez diola helegiterik aurkeztuko epaiari, goragoko instantzian ezinezkoa delako froga berriak aurkeztea eta, horrela, "baiesteko aukerarik ez duelako".

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!