Nafarroako BPGren %40 multinazional atzerritarrek sortzen dute

Landabengo Volkswagenen lantegia

Diario de Noticiasek dakar gaur datua. Foru Gobernuak tokiko enpresen errotzea errazteko funtsa sortzeko aukera aztertzen ari da.

Nafarroako egoera Estatuko gainontzeko erkidegoekin alderaturik, Madrilen soilik dute pisu handiagoa Barne Produktu Gordinean (BPG) multinazional atzerritarrek: BPGaren %44,9, hain zuzen ere. Nolanahi ere, pisu horren hazkundea handiagoa izan da Nafarroan Madrilen baino. 2008tik hona, 13,2 puntu hazi da Foru Erkidegoan, eta 9,8 Espainiako hiriburuaren inguruko erkidegoan.

Hainbat faktore daude hazkunde horren gibelean. Garrantzitsuena, Landabengo Volkwagenek azken hamarkadan %30 handitu duela haren produkzioa. Beste faktore garrantzitsu bat: eraikuntzaren hondamendia, sektore hori ia osoki bertako (edo Espainiako) enpresarien esku zegoen eta.