23 urteko gizon bat atxilotu du Polizia Nazionalak, Nafarroako adingabe bat jazartzea egotzita. Mugikor bat eskaini zion gizonak neskari eta trukean biluzik hartutako argazkiak eskatu zizkion. Poliziak prentsa-ohar batean jakinarazi duenez, urriaren 21ean atxilotu zuten gizona. Behin behineko espetxealdian da
Gertakariak 2018ko abuztuaren 10ean jazo ziren. Orduan, adingabearen gurasoetako bat Nafarroako Bulego Nagusian azaldu zen, ezezagun batek 10 urteko alaba engainatu zuela salatzeko. Bere adineko beste neska bat zelakoan hasi zuen harremana biktimak gizon harekin, Whatsapp bidez.
Gizonak argazki-lehiaketa batean parte hartzea eskaini zion adingabeari, eta lehiaketaren saria gama altuko mugikorra zen, Polizia Nazionalak azaldu duenez.