'Tour de la Manada' iragarkiaren arduraduna integritate moralaren aurkako delituagatik epaitzeko zantzuak daudela onartu du Nafarroako Auzitegiak. Irmoa da erabakia.
Iruñeko 4. Instrukzio Auzitegiak apirilean ebatzi zuen "delituaren biktimarentzako tratu iraingarria" dela tourraren iragarkia. Iruñeko kaleetatik 2016ko seferminetako bortxatzaileek egindako ibilbidea proposatzen zuen webguneak. Defentsak helegitea aurkeztu zuen autoaren aurka, eta auzia artxibatzea eskatu zuen. Fiskalak ere auzia artxibatzea galdegin zuen. Nafarroako Auzitegiaren erabakiaren ostean, epaitu eginen dute iragarkiaren arduraduna.
