Mozioaren alde bozkatu dute PSNk, Geroa Baik, EH Bilduk, Ahal Duguk eta Izquierda Ezkerrak, gaur goizean, Nafarroako Parlamentuko Hezkuntza Batzordean. Kontra, Navarra Sumak.
“Lehenets dadila irakaskuntza publikoa eta, hartara, ikastetxe publikoen hazkundearen alde egin dadila, guztientzako hezkuntza kalitatezko eta sozializatzaile baten berme moduan”, dio onarturiko ebazpenaren lehen puntuak. Bigarrenak gobernuari eskatzen dio ez dezala eskola unitate bakar bat ere itxi irakaskuntza publikoan, aski eskaera dagoelarik.
Mozioa Izquierda Ezkerrak aurkeztu du, eta gobernua sustengatzen duten lau alderdien akordio programatkoan oinarritzen da.