EAko Nafarroako parlamentariak bere burua aurkeztuko du Eusko Alkartasunako idazkari nagusi izateko. Onda Vascan eman du erabakiaren berri, eta azaldu Carlos Garaikoetxea EAko buru ohi eta Eusko Jaurlaritzako lehendakari ohiaren "pertsuasio gaitasunei" esker eman duela pausoa. Ramirez idazkari nagusi izateko hautagaitza aurkeztu zuen EAk 2017ko ekainean eginiko batzarrean. Hamalau botoren aldearekin, Pello Urizar nagusitu zen.
Urriaren 25ean eginen dituzte primarioak. Ostiralean amaituko da hautagaitzak aurkezteko epea, eta, oraingoz, Ramirezen hautagaitza baino ez da jakinarazi.