Guardia Zibileko goi kargudun batek, batere justifikaziorik gabe, ebatzi zuen Patxi Zamora ez zela gai aireportuko txartela berritzeko. Agiri hori ezinbestekoa zitzaion Iberia konpainian hegaldi laguntzaile lanetan segitzeko. Hori dela kausa, konpainiak kaleratu egin zuen. Zamorak 31 urte zeramatzan lanpostuan, batere arazorik gabe. Zamora Nafarroako Kutxako auzia salatu zuen Kontuz herritar plataformaren eleduna zen. Orain, Gorenak Zamoraren kaleratzearen aurkako helegitea tramitera onartu du. Auzitegiak molde honetako helegiteen %17 besterik ez du onartzen. Erabakiak beraz bidea zabaldu du, behingoz argitu dadin Guardia Zibilak zergatik ebatzi zuen Zamora “ez zela gai” aireportu txartela edukitzeko.
Gorenak Patxi Zamoraren kaleratzea aztertuko du
Espainiako Auzitegi Goreneko hirugarren salak helegitea tramitera onartu du, Iberia konpainiak berak bidegabetzat aitortzen duen kanporatzea.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
