Nafarroako Gobernuak zazpi industrialde berriren finantzaketa onartu du, 15 milioi euroko inbertsioarekin. Nasuvinsa sozietate publikoaren bitartez, zoru industrialeko beste 309.123 metro koadroren sorrera bultzatuko du datozen hilabeteotan Nafarroako zazpi eremutan, eta horietan bederatzi enpresa ezarriko dira: Arakilen, Argedasen, Cascante-Monteagudon, Iruñerrian, Irurtzunen, Lodosan eta Irunberrin.
Lanek 15,2 milioi euroko inbertsioa atxikia dute, eta foru gobernuak baimena eman dio Sodena sozietate publikoari, 6,5 milioi euroko mailegua eman diezaion Nasuvinsari, finantzaketa gauzatu ahal izateko. Gainontzekoan, CPEN Nafarroako Enpresa Korporazio Publikoak 3,5 miloi euro eman ditu, eta Nasuvinsak beste 5 milioi euro ordaindu ditu.
Dagoeneko hasi dituzte Arakil eta Argedasko lanak, eta datozen hilabeteetan hasiko dituzte Iruñerriakoak. 2022ko ekainerako, instalazio guztiak prest egongo direla aurreikusten dute.