Alferrik galtzen diren jakiak gutxitzeko sentsibilizazio kanpaina abian jarri du Nafarroako Gobernuak. Jatetxeekin batera, sobran diren janariak etxera eramateko aukera eskeiniko da. Honetaz gain, elikagaiak ez botatzeko sentsibilizazioa ere zabalduko da hiritarren artean, zaborretan bukatzen diren janarien %42a etxeetan sortzen baita. Honela herriz herri, soberan ziren jakiekin eratutako pintxoak zabalduko ditu “Food Truck” batek. Bihar asteazkena, Altsasun izanen da jatetxe furgoneta eta ostegunean Iruñeko Gazteluko Plazan.
“Birron egin” kanpainarekin bat egin dute Nafarroako 500 jatetxek, alferrik galtzen diren jakiak gutxitzeko asmoarekin. Tupper berrerabilgarriak banatuko dituzte, beren erabiltzaileek sobratu zaien janaria etxera eraman dezaten. Kartoizko kutxak ere izanen dira eskuragai, plastikozko poltsak ekiditeko. Urtero 115.000 tona elikagai botatzen da zakarrontzira Nafarroan.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!