PSNren gobernua kinka larrian jartzeko asmoarekin aurkeztu zuen Navarra Sumak lege proposamena eta gaizki atera zaio jokaldia. Bakarrik geratu da UPN, Ciudadanos eta PPren koalizioa lehendabiziko bozketa honetan. Beste alderdi guztiek ez dute onartu administrazioan euskararen ordenantza bertan behera uzteko eskakizuna.
PSN-k azaldu du ez dagoela ados Navarra Sumaren jarrerarekin, aurreko legegintzaldian hartutako neurri zenbaitekin ados ez badaude ere, eraikitzeko garaia dela. Horregatik, neurri berriak hartuko direla iragarri du Inma Jurio parlamentari sozialistak.
Navarra Sumak euskerarekiko obsesioa leporatu die beste alderdie. Erantzuna berehalakoa izan da, eskuinako koalizioaren lehendabiziko ekimen parlamentarioa, hain zuzen, euskararen kontra egitea izan dela gogoratu baitute bozeramale guztiek.
Geroa Baik ideia faltsuak zabaltzea leporatu dio Navarra Sumako bozeramaleari, inori ez baitzaio ukatu gaztelaniaz administrazioarekin aritzeko eskubidea. EH Bilduk euskararen aldeko politiketan atzerapausorik ez duela onartuko adierazi du. Ahal Duguk euskaldunen hizkuntza eskubideen bermerako aurreko legegintzaldian hartutiko neurriak balorean jarri ditu. Adostasunez hartutako neurriak, Izquierda Ezkerrak azaldu moduan.
