Maskarilla bereziak behar dira azido sulfidrikoa (H2S) dagoen tokietan lan egiteko. Istripua izandako bi langileek ez zuten ekipamendu berezi hau gainean ezbeharra gertatu zenean. 45urteko langilea, kubetatik aterata, ezin izan zuten berpiztu tokira gerturatutako larrialdi taldeek. Zarrakasteluko bizilaguna zen. Bigarren langilea, 54urteko Oibartarra, bizirik atera zuten eta uneotan, Nafarroako Ospitale Guneko zaintza intentsiboen unitatean ingresatuta dago oso egoera larrian.
Viscofaneko langileek gaur greba eginen dute, LAB, ELA, ESK, STEILAS, EHNE, HIRU eta CGT sindikatuen babesarekin. Enpresako zuzendaritzak, gertatutako ezbeharraren aurren bere tristezia azaldu badu ere, lanuztea salatu eta legez kanpokoa dela adierazi du.