Altsasuko zortzi gazteei 2 eta 13 urte arteko espetxe zigorra ezarri zieten, autoritatearen aurkako atentatua, lesioak, mehatxuak eta desordenu publikoak egotzita. Espainiako Auzitegi Gorenak asteazkenean, hilaren 18arekin, berraztertuko du zigorra.
Auzitegi Nazionaleko Penaleko Aretoak eman zuen lehen epaia. Gero Auzitegi Nazionaleko Apelazio Aretoarena etorri zen. Batak zein besteak atzera bota zuten terrorismo delitua. Eta oraingo honetan Fiskaltzak ez du terrorismoa eskatzeko helegiterik aurkeztu. Defentsek bai, defentsek gazteen zigorrak murrizteko helegiteak aurkeztu dituzte.
Oihan Arnanzi 13 urteko zigorra ezarri zioten; Jokin Unamunori eta Adur Ramirezi, 12koa; Jon Ander Cob, Julen Goikoetxea eta Ararz Urriolari, 9koa; eta Ainara Urkijori, 2koa.