Sansoainera iristeko zubia datorren astean irekitzea espero du Nafarroako Gobernuak

Pasa den uztailaren 8ko ekaitzak Sansoain-era iristeko zubia aurretik eraman zuenetik, inkomunikatuta dira bertako biztanleak. Nafarroako Gobernua azpiegitura guztiak konpontzen ari da eta datorren astean espero dute Sansoainen zubi berri bat eraikitzea. Momentuz, mendian gora pista batetik ailegatzen dira etxeraino herriko biztanleak.

Datorren astean, behin behineko zubia zabalduko da Sansoainera iritsi ahal izateko. Halaxe espero du Nafarroako Gobernuak, uztailaren 8az geroztik inkomunikatuta dagoen herri honetako biztanleei konponbidea emateko helburuarekin.

Atzo zabaldu zen N121 errepidea baina hala eta guztiz ere, Nafarroako Gobernuak zabalik, hau da, ordaindu beharrik gabe, mantenduko du Imarcoaingo peajea, baldorbarako bidegurutzea erabat konpondu arte.