Bilera azkarra izan da, Sanferminen ostean PSN, Geroa Bai, Ahal Dugu eta Izquierda Ezkerrak egin dutena. 20 minutu eskas, Alderdi Sozialistak beren gobernu osaketa proposamena aurkez zezan. Osteguna bitartean, alderdi bakoitzak proposamena aztertuko du eta beren erantzuna emanen dute.
“Sozialisten gobernu bat nahi dugu” adierazi du PSNko antolakuntza idazkariak, kolore bakarreko gobernua osatzeko asmoa erakutsiz. “Ardura partekatuen gobernua nahi dugu” erantzun dio Itziar Gomez, Gbaiko kideak, “gobernu bat non Geroa Bai presente dagoen”. Hika mikak hika mika, PSNk ez du presarik azken akordioa lotzeko, Madrilen estatuko gobernua osatzeko negoziaketen korapiloa askatzen ez diren bitartean.
Navarra Sumarekin eta EH Bildurekin hitzeginen ez dutela adierazita, gobernura iristeko abstentzioen beharraz galdetu zaio PSNko Alzorriz-i, honek, “gehiengo posibilista” bat dagoela adierazi du, hau da 23 bozkako gehiengo bat.
