Irailaren 16an hasiko da Espainiako Entzutegi Nazionalean 47 euskal herritarren aurkako epaiketa. Horietako 11 nafarrak dira. "Musikak mundua mugitzen du, gaitasun hori badu; barrenak astindu, konexioak sortu, norabide anitzeko komunikazioa eraiki, dena nota eta letra bidez zabalduta", adierazi dute 47ak Herrian platafomatik. Hori dela eta, elkartasuna eta musika elkartu dituzte 'makrokantan'.
Hainbat musikari elkartu eta 11/13 makroepaiketari ez eta konponbideari bai adierazteko abestia egin dute. "Haien aletxoa jarri dute lekuz kanpo eta denboraz kanpo dagoen zentzugabekeria hau bertan behera geratzeko. Eta bide batez, benetan heldu behar zaion problematikari heltzeko beharra azpimarratzeko: egungo espetxe politika aldatu eta euskal preso eta iheslarien gaia soluzio agenda beti lotua egotea".