Beldurgarriak dira irudiak. Beldurgarria da atzo Tafallan eta Nafarroako erdialdean bereziki bizi izan zutena. Minutu gutxian, ehun litro metro karratuko bota zuen eta Valdorba inguruan are gehiago, ehun eta hirurogei litro metro koadroko. Arratsaldean hasi zen ekaitza. Harekin batera euri jasa. Eta Zidakos ibaiak berehala egin zuen gainezka. Herritarrei ez zien denborarik eman ezer egiteko.
Errepideak moztuak geratu ziren, batzuk erditik apurtu zituen uraren indarrak, etxabeak guztiz urez gainezka, denda eta saltokiak ere ur putzu handi bilakatu ziren. Eta jendeak, ahal izan zuen egin zuen uholde horretatik urrun gelditzeko.
Larriena, Nafarroako Gobernuak konfirmatu bezala, hildako bat izan dela tartean. Antza denez, autoan zihoan gizonezko batek ezin izan zuen atera eta itota hil zen uraren indarrak barreiatuta. Gainerakoan, kalte materialak dira.
Goizeko lehen orduan batzartu da koordinazio bilera hemendik aurrera zer egin aztertzeko. Eta ez ohiko osoko bilkura ere deitu dute egoerak hala eskatuta.
