"Autogobernuaren inguruan adostasunera iristea falta zaigu eta 23 parlamentariren adostasuna izanen duen gobernuaren etorkizunaren funtzionamendua definitzea", esan du Ramon Alzorriz PSNko antolakuntza idazkariak atzoko bileraren ondotik. Alderdi sozialista, Geroa Bai, Ahal Dugu eta Ezkerra batzarturik izan ziren 17:40etatik 21:30etara abiatutako negoaziazioak nola doazen aztertzeko asmoarekin. Kontent atera ziren bertatik lau alderdiak eta "aurrerapauso handiak" lortu dituztela azaldu zuten denek.
Geratzen diren "zirrikituak" adosteko bilera eginen dute gaur parlamentuan 10:00etan. Horren ondoren "aurreakordioa" erdietsita gera daiteke eta "gobernu aurrerakoia" lortzeko bidea eginagoa gera daiteke.