Hauteskundeak 2019

Alderdi sozialista presionatzeko Esparza Casadorekin batzartuko da

Javier Esparza eta Pablo Casado Navarra Suma koalizioaren eraketa egin zutenean.

Diputatuen Kongresuan adierazpena sinatuko dute. Pedro Sanchezi egin nahi diote presio ez dezan utzi Nafarroako Gobernua EH Bilduren eskuetan. 

Navarra Sumaren lidergoa izanen duen gobernua osatu nahi du Javier Esparzak eta horretarako PSNren babesa nahi du. Madrilen izanen da gaur UPNren buruzagia Pablo Casado PPren presidentearekin biltzeko asmoarekin. Adierazpena sinatuko dute biek. Pedro Sanchezi presio egin nahi diote Nafarroako Gobernua ez diezaien utzi EH Bilduko kideei erabakitzen. 

Duela hamar egun izan ziren elkarrekin Casado eta Esparza. Orduko hartan parlamentuan izan zen Parlamentuko Mahaia osatu eta hurrengo egunean.