Orkoiengo lantokia isteko erabakia hartu du zuzendaritzak eta 130 langile gera daitezke kalean. Protesta egin zuten larunbatean eta iragarri dute uztailaren 15etik aurrera greba mugagabea eginen dutela irtenbiderik izan ezean.
Enpresa japoniarra da Kayaba. Orkoienen du lantokietako bat eta iragarri du itxi eginen duela produkzioa Tailandiara eramateko asmoarekin. Hartara 130 langile gera daitezke kalean. Protesta egin zuten larunbatean Iruñean lantokia ez dezaten itxi eskatuz. Kaleratzeak abuztutik aurrera egin nahi ditu enpresak eta 2021eko ekainaren 30era arte tantaka iritsiko lirateke kalerateak. Dena dela, bada aukerarik negoziatzen segitzeko: aurreikusia dute abuztuaren 1a arte kontsulta tartea izatea.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
