Aurrematrikulazio garaian bete betean sarturik gauden honetan Nafarroako Unibertsitate Publikoan Medikuntza Gradua ikasi ahal izateko 500 eskaera jaso dira lehen boste egunetan. Irailean hasiko dira irakaskuntza hori eskaintzen eta 60 plaza izanen dira denera. "Helburua bete da eta nafarrentzat beste aukera bat gehiago ekarri duela adierazten du", esan zuen atzo Maria Solana Hezkuntza kontseilariak. Ramon Gonzalo NUPeko errektoreak ere adierazi zuen etorkizunari begira bio-osasunean jarriak daudela indar asko eta horixe dela sustatu beharreko alorretako bat.
Lehenengo bost egunetan aurrematrikulazio epean ikasle askok egin dute gradu berriaren aldeko apustua. Guztira 60 plaza eskainiko dira 2019-2020 ikasturterako.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!