Unescoren saria eskuratu dezake Skolae hezkidetza programak. Aldi berean, programa hori garatu duten eta formazio lanetan aritu diren hamar herritarrek agertu beharko dute epailearen aurrean azalpenak ematera. Alde batetik beraz, Neskato eta Emakumeen Hezkuntzarako Nazioarteko Sariko hautagaien artean sartu dute Nafarroako Gobernuaren Skolae programa. Hala jakinarazi du Maria Solana Hezkuntza kontseilariak. Beste alde batetik, programa hori landu zuten bost aditu lekuko gisa deklaratzera deitu zituen Nafarroako Auzitegi Nagusiak, familia batzuek eta Plataforma Nacional 18M taldeak jarritako salaketak tramiterako onartu ondoren.