Medikuntza Gradua ikasten ahalko da Nafarroako Unibertsitate Publikoan irailetik aurrera

Nafarroako Gobernuak azken baimena eman dio unibertsitate publikoari, eta ostiralean bertan zabalduko dute izena emateko epea. 60 ikasle hartuko dituzte, eta gaztelaniaz emango dute gradua.

Irailean hasiko dira ikasleak Nafarroako Unibertsitate Publikoan Medikuntza Graduko eskolak hartzen. Hori baino lehen, ostiralean zabalduko dute izen emateko epea. Denera 60 ikasle hartuko dituzte ikasturte bakoitzean. Orain arte, Nafarroan Opusen unibertsitatean ikas zitekeen Medikuntza. NUPen ere gaztelaniaz emango dituzte ikasketak.