Etxe kaleratzeek %41 egin dute behera lehen hiruhilekoan

Aurten iaz baino 10 etxe kaleratze agindu gutxiago egon dira: 14 izan dira urtarriletik martxora egin direnak eta epe horretan 2018an 24 izan ziren.

Hipotekekin zerikusia izan duten etxe kaleratzeek behera egin dute aurten: urtarriletik martxora 14 izan dira eta 2018ko epe berean 24 izan ziren. Nafarroako Justizia Auzitegiak eman ditu datuak nabarmenduz %41,7 jaitsi direla etxe kaleratze kasuak. Alokairuaren kasuetan antzerako datuetan izan dira: alokairua ez ordaintzeagatik abian jarritako etxe kaleratzeak 77 izan dira eta iazko epe berean 78 izan ziren.