Informazioa El Confidencial agerkariak zabaldu du, eta SER irrati kateak dio PSOEko zuzendaritzak baieztatu egin diola.
Txibitek asteazkenean hasiko du bilera erronda, Geroa Bairekin, Ahal Dugurekin eta Izquierda Ezkerrarekin, EH Bildu horretatik at utzita. SERen arabera, Ferrazek aurretik finkatu nahi izan du bere jarrera “ofiziala”, Nafarroan gertatzen denak ez dezan zamatu haren hitzarmen estrategia beste erkidegoetan.
Alderdi sozialista Ciudadanos presionatzen ari da, Vox-i “osasun-hesia” ezar diezaion. Eta presio hori egiterakoan, behin eta berriz esaten ari da alderdi sozialistak ez duela negoziatuko ez Voxekin ezta EH Bildurekin ere. Ingurumari horretan, Ferrazek ez ei du nahi EH Bilduren abstentzioaren beharra edukiko lukeen gobernu aurrerakoirik.
