Argentinako kereilaren barne kokatzen da deialdia. Nafarroako Parlamentua, Espainiako Kongresua eta Europako Parlamentuko hautetsiak lagunduta eginen dute Argentinarako bidaia kolektiboetako kideek. Ekainaren 5ean deklaratuko dute Maria Servini epailearen aurrean.
Frankismo garaian gertatutako gizateriaren aurkako krimenak ikertzen ari da Servini. Rodolfo Martin Villa, 1978ean Espainiako barne ministro izandakoa, irailaren 9an deitu du deklaratzera, 1976ko martxoaren 3an Gasteizen jazotakoagatik.