12 puntu jaitsi da erretzaile kopurua Nafarroan azken bi hamarkadatan, 2000. urtean erretzaileak %31,5 izatetik egun %19,5 izatera igaro baitira, Nafarroako Bizi Baldintzen azken Inkestaren arabera. Nafarroako Osasun Publikoaren eta Lan Osasunaren Institutuarentzat (NOPLOI) datua positiboa da, Europako Iparraldeko %15etik beherako kopuruek oraindik hobetzeko marjina handia dela erakusten badute ere.