Gobernu aurrerakoi, anitza eta egonkorra osatu nahiko luke Geroa Baiko Uxue Barkosek. Hori erdiesteko, lidergoa, giltza, alderdi sozilistak duela agerikoa dela deritzo. Uxue Barkosek argi adierazi du ez dela Maria Chiviteren gobernu baten kontseilari izanen, baina zabalik utzi du koalizio gobernu bat osatzeko aukera.
Maria Chivitek bilera sorta eginen du datorren astean Geroa Bairekin, Ahal Dugu-rekin eta Ezkerrarekin.
Kanpoko presioen aurrean arduraz jokatu beharra dagoela dio Barkosek. Nafarroako etorkizuna Nafarroan hartu beharraz mintzatu da. Eusko Alderdi Jeltzaleak edo Arnaldo Otegik egindako adierazpenetatik ere aldendu beharra sumatzen du, Geroa Bairen baitan Geroa Baik hartzen dituelako erabakiak.
