Nafarroako Unibertsitate Publikoak heldu den astean selektibitateko azterketak jarrik ditu mahai gainean Batxilergoko bigarren mailako ikasleek unibertsitate aurreko probak egin ditzaten. Guztira 3.000 ikasle izanen dira azterketa horiek eginen dituztenak eta aurreko urteetako ildoarekin segiko dute probek. Ekainaren 4an, 5ean eta 6an eginen dira eta iazko datuek diote ikasleen %66,3k gainditu zituela 2018an eta bataz beste 6,59 puntu eskuratu zituztela.
Hamar ikasgai izanen dira fase orokorrean aukeratuko dituztenak ikasleek: Espainiako Historia, Espainiako Hizkuntza eta Literatura, Atzerriko hizkuntza Ingelesa, Matematikak, Aplikatutako Matematikak, Euskal Literatura eta Hizkuntza, Latina, Artea, Atzerriko hizkuntza Frantsesa eta Atzerriko hizkuntza Alemana. Bada beste fase batean sartzen diren ikasgaiak ere. Horiek fase espezifikoko ikasgaiarenak dira. Nota igotzeko baliatzen dituzte ikasleek halako ikasgaien azterketak: Kimika, Enpresa Ekonomia, Artea, Diseinua, Argazki Teknikoa eta Alemana.
