Alderdi sozialistako eskualdeko batzordea batzartu da hauteskundeen biharamunean. Maria Chivite PSNko idazkari nagusiak eta lehendakarigaiak ziurtatu du bere konpromisoa herritarren nahiarekin betetzea dela. Nafarroarentzat aurrerakoia izanen den gobernua osatzea da bere xede nagusia. Espainiatik zer nolako mezuak iristen diren PSNrenganaino jakitea ere garrantzitsua izanen da jakitea: Jose Luis Abalos PSOEren antolakuntza idazkariak esan du EH Bildurekin izan ezik gainerakoekin hitzarmenak adosteko prest dela gainerako alderdi aurrerakoiekin. Chivitek gaineratu du ez duela asmorik Javier Esparza presidente egiteko. Chivitek oraindik ez du aukerarik izan Geroa Baiko Uxue Barkosekin hitz egiteko: "Goiz da oraindik horretarako. Ez ditugu behin betiko emaitzak ezagutzen eta zerbait alda daiteke azken unean", esan du.
Alderdi sozialistak mugitu beharko du fitxa
PSNk hartu beharko luke zartagriaren kirtena eta gobernu aurrerakoia eta anitza osatzeko mugimenduetan hasi. Hala uste du Geroa Baik hauteskundeen emaitzek hori adierazten dutelakoan. "Maria Chiviteri dagokio lehen pausoak ematea eta esatea zer egiteko prest dagoen eta norekin gobernua eratzeko prest", adierazi dute Geroa Baitik.
