Altsasuko Udaletik kanpo gelditu dira PSN, Goazen Altsasu eta Navarra Suma. Ollok alboan izanen ditu EH Bilduko hiru zinegotzi. Botoen %62,5 lortu ditu, 2.400 boto. Sentsazio guztiz gozoa du alkateak. Kudeaketa egokiaren seinale eta herrian bideratu beharreko proiektuak bide onetik eramatearen emaitza direla azpimarratu du Ollok. Aldiz, herriarekiko gertutasun hori erakutsi ez dutenak kanpoan geratu direla uste du.
Nahiz eta gehiengo osoa erraz lortu, EH Bildurekin alkatetza akordioa erdietsi nahiko luke Ollok.
Geroa Baik Altsasun inoiz izandako babesik handiena erdiestea lortu du. Bikoiztu egin du babesa duela lau urteko hauteskundeekin alderatura. Javier Ollo izanen da berriz ere herriko alkate.
