Medikuntza ikasketak gauzatzen ahal izanen dira irailetik aurrera NUPen

Espainiako Hezkuntza Ministerioak jakinarazi dio Nafarroako Unibertsitate Publikoari 2019-2020etik aurrera Medikuntza Gradua eskaintzen ahalko duela. 

Unibertsitateen arteko Kontseiluak jakinarazi zion atzo Nafarroako Unibertsitate Publikoari irailetik aurrera eskaintzan jar zezakeela Medikuntza Gradua ere. Hala, 2019-2020tik aurrera gradu hori ere ikasi ahalko da NUPen. Hezkuntza Ministerioak aurreratu zion zehazki NUPi aurreikusitako baimenak prest daudela.