Astelehenero bezala elkarretaratzea egin dute pentsionistek goizean; baina dei bat ere egin dute. Gobernuan dagoena dagoelarik, pentsioak defenditzen dira lelopean mobilizaziora deitu dute AMONA, Nafarroako Pentsionistak Martxan eta Sasoia taldeek, larunbaterako. 18:00etan irtengo da manifestazioa, Gazteluko Plazan.
Honako aldarrikapenak eginen dituzte:
- Gutxieneko Pentsioa jadanik, lanbide-arteko gutxieneko soldataren arabera izatea (900€ 14 ordainketan). Eta 2020rako 1080 eurora igotzea.
- Urteko erosmen ahalmena ziurtatzea, gutxienez KPIaren arabera.
- Bizitza itxaropenari arabera baldintzatzen eta pentsioak murrizten dituen Jasangarritasun Faktoreak ezabatzea.
- 2011 eta 2013artean ezarritako pentsio erreformak ezabatzea.
Astelehenero elkarretaratzen jarraituko dutela ere jakinarazi dute: "Guk badakigu mobilizazioa bermerik onena dugula gure helburuak lortzeko. [...] Azkenean, gogora dezagun astelehenero, 12:00etan, Udaletxe aurrean, elkartzeko dugun konpromisoa; elkarretaratzetan, etengabe gogoratuko ditugu gure aldarrikapen zuzenak, baita udaran ere".