Apirilean 1.112 langabe gutxiago izan da Nafarroan, martxoko datuekin alderatuta

Euskalerria Irratia 2019ko mai. 6a, 14:16
Laparra lehendakariordea apirileko langabezia datuen aurkezpenean.

Urte arteko datuetan ere behera egin du langabe erregistratuen kopuruak. 32.581 behargin dira langabezian izena emanda.

Datuek langabeziaren beheranzko joera adierazten dute iazko apirileko langabe kopuruarekin alderatuta ere: 1.938 gutxiago (-%5,61).

Apirileko datuek Gizarte Segurantzan izena emandako langile kopuruaren gorakada islatzen du, bestalde. Martxoan baino langile gehiagok eman zuten izena Nafarroan (%0,98). Urte batetik besterako datuetan ere hazi egin da Gizarte Segurantzan izena emandakoen kopurua: 9.034 (%3,26).

Apirilean egin diren kontratu motei dagokienez, kontratu mugagabeen pisua murriztu egin da, bai martxoko datuekin alderatuta, baita iazko apirilekoekin alderatuta ere. Martxoan egin zirenak baino 184 gutxiago (-%8,86). Urtetik urterako joera ere negatiboa izan da: 145 gutxiago (-%7,12).

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!