Eskuinak ordezkatzen duen Nafarroa erakutsi izan da orain arte Senatuan, hautagaiaren ustez: "Beste nafar horien ahotsa eramateko aukeztu naiz". Ahal Duguk proposatutako Ricardo Feliuk, EH Bilduk proposatutako Arturo Goldaracenak eta Geroa Baik proposatutako Anika Lujanekosatzen dute Cambio-Aldaketa hautagaitza.
UPN, PP eta Ciudadanosen Navarra Suma koalizioaren aurrean, autogobernua defendatzera doazela gaineratu du: "Zentralismoak eraso sakon bat suposatzen du gure autogobernuarentzat". "Ez dira mozten esateko gobernu batean ardurak badituzte gure hitzarmen ekonomikoa pikutara bidaliko dutela. Ciudadanosek bere programan, 11. puntuan, argi eta garbi esaten du. Eta UPNk ez du erantzuten. Nik pentsatzen dut babesten dituela".
Hauteskundeak igarota "alderdi progresisten gehiego" bat nahiko luke Lujanek. "Alderdi Sozialistarekin kontatu behar dugu, baina zein Alderdi Sozialista? Nik ez dut nahi Ciudadanosekin elkartuko den Alderdi Sozialista". Cambio-Aldaketako hautagaiak, PSOEren jarrera ikusirik, ez du aukera hori baztertzen.
Senaturako ere botoa emateko beharraz ere mintzatu da hautagaia.
